Një incident ka ndodhur mëngjesin e kësaj të enjte, gjatë ceremonisë së e faljes së Namazit nga myslimanët, një person tentoi të vetëdigjej me benzinë në ditën e Fitër Bajramit.
Personi identiteti i të cilit nuk bëhet i ditur është përpjekur që të prishë ceremoninë duke thëne se “s’ka Zot”.
Mësohet se ai ka tentuar që të futet në mes të turmës së bedimtarëve gjatë ceremoninë duke bërë edhe thirrje të tipit si ‘S’ka Zot, duhet me ik nga kjo jetë’. Nga informacionet paraprake mësohet se personi, në gjendje të rënduar emocionale ka tentuar të vetëdigjej me benzinë.
Ai është neutralizuar fillimisht nga besimtarët ndërkohë që më pas e kanë marrë forcat e policisë së shtetit, të cilat e kanë prangosur.
Policia ka reaguar lidhur me incidentin e rëndë të ndodhur në sheshin “Skënderbej” ku një person tentoi të vetëdigjej me benzinë.
Policia sqaron se ka shoqëruar 40-vjeçarin B.G i cili do të kryente aktin ekstrem. Ai fillimisht është ndaluar nga besimtarët ndërsa më pas është shoqëruar nga forcat e rendit për në komisariatin nr.1.
Njoftimi i policisë:
Më datë 13.05.2021, rreth orës 07:05, në sheshin “Skenderbej” shtetasi B. G., rreth 40 vjeç, ishte lyer me benzine dhe dyshohet se kishte qëllim të vetëdigjet, por është ndaluar nga disa qytetarë aty në afërsi.
40-vjeçari është shoqëruar në Komisariatin e Policisë Nr.1. Grupi hetimor vijon punën për sqarimin e rrethanave të ngjarjes.
