Një tren në stacionin qendror të qytetit Saint Austell në Britaninë e Madhe ka falenderuar në shumë gjuhë të botës, të gjithë mjekët që ndodhen në vijën e parë të luftës ndaj Covid-19.
Udhëtarëve u bëri përshtypje mbulimi i trenit me mesazhe falenderimi në gjuhë të huaj, duke përfshirë edhe gjuhën shqipe.
Siç shkruajnë mediat e huaja, falënderimet janë pjesë e një prej shumë fushatave të koalicionit të përbashkët UNISON, që përfshin Sistemin Kombëtar Shëndetësor (NHS) të Britanisë, komunitetet fetare, shoqatat e gazetarëve, futbollistëve dhe një sërë profesionesh të tjera.
Mes fjalëve në shumë gjuhë të botës, dallonte edhe falenderimi në gjuhën shqipe: “Faleminderit”.
Shifrat e Covid
Numri i vdekjeve të koronavirusit në Mbretërinë e Bashkuar është rritur me 1,348 viktima.
Po ashtu 40,261 raste të tjera u konfirmuan në 24 orët e fundit, ndërsa të dhënat e fundit tregojnë se kishte 37,899 pacientë Covid në spitalet e Mbretërisë së Bashkuar.
Ndërsa në Itali 24 orët e fundit janë raportuar 13,331 raste të reja, ndërsa kanë humbur jetën 488 persona si pasojë e Covid-19.
Sipas njoftimit zyrtar, gjatë 24 orëve të fundit janë shëruar 16, 062 pacientë duke e çuar në 1,871,189 numrin e përgjithshëm të të shëruarve nga Covid-19.
Që nga fillimi i pandemisë numri i përgjithshëm i të infektuarve me Covid-19 në Itali është 2,455,185 persona. Ndërsa kanë humbur jetën nga koronavirusi gjithsej 85,162 persona./Gazetareforma.com/
