Fruthi po kthehet në një nga kërcënimet më të mëdha për fëmijët e vegjël.
Numri tashmë i të prekurve nga fruthi është rritur ndjeshëm, sidomos gjatë muajit janar, ku numërohen 11 raste të reja. Sipas Institutit të Shëndetit Publik deri tani janë 41 fëmijë të diagnostikuar me virusin. Deri më tani sipas raporteve më të prekurit janë nga Tirana dhe në moshë foshnjore, 0-2 vjeç, të pavaksinuar.
Sipas Tv Klan, nuk mungojnë rastet kur sëmundja është marrë jashtë territorit të vendit, përkatësisht 3 vijnë Greqia dhe 1 nga Kosova.
Fruthi është sëmundje infektive, e cila shkakton dëmtime të rënda, të cilat mund të çojnë deri në vdekje. Një javë më parë një foshnjë 4 muajshe ka ndërruar jetë në Spitalin Pediatrik në Qendrën Spitalore Universitare Nënë Tereza.
Mjekët thonë se vaksinimi mbetet forma e vetme e mbrojtjes nga kjo sëmundje.
