Partia Demokratike ka reaguar sot lidhur me komentet e kryeministrit Edi Rama për zhvillimet e fushatës elektorale.
Me anë të një reagimi zyrtar, PD e ka cilësuar kryeministrin të frikësuar nga pritja masive që Shqipëria po i bën demokratëve.
“I kapur mat në panikun e humbjes, Edi Rama shqetësohet çdo ditë për mikpritjen e shqiptarëve për Lulzim Bashën. Edi Rama e ka kuptuar që shqiptarët duan ndryshimin dhe askush nuk e ndal dot më këtë.”, thuhet në njoftim.
Kujtojmë se ky reagim nga opozita vjen pas kritikave që kryeministri Edi Rama ka bërë për shkeljen e masave anti-covid nga mitingjet elektorale që janë zhvilluar thuajse në çdo qytet të Shqipërisë, ku i fundit po ndodh sot në Korçë.
REAGIM I PARTISË DEMOKRATIKE TË SHQIPËRISË
I kapur mat në panikun e humbjes, Edi Rama shqetësohet çdo ditë për mikpritjen e shqiptarëve për Lulzim Bashën. Edi Rama e ka kuptuar që shqiptarët duan ndryshimin dhe askush nuk e ndal dot më këtë. Humbja e zgjedhjeve e ka bërë nervoz dhe për këtë ai sulmon takimet tona elektorale.PD është parti që funksionon sipas rregullave dhe ligjeve në fuqi.Kërcënimet dhe keqinformimet e Edi Ramës nuk e ndalojnë dot rrugën drejt fitores së Partisë Demokratike.Në 25 prill rama do të humbë dhe Shqiperia do të fitojë.
