Një ngjarje e rëndë ka ndodhur në Ksamil, ku 49-vjeçari Naim Likometi, banues në Tiranë dhe pronar i një banese në Ksamil, është shpallur i zhdukur që nga mëngjesi i datës 8 mars 2025.
Ai u largua nga shtëpia rreth orës 06:00 dhe që nga atëherë nuk është marrë asnjë informacion për të.
Në momentin e largimit, Likometi kishte veshur një xhup të zi dhe një kostum sportiv Adidas blu të errët.
Sipas burimeve, telefonia celular e tij ka qenë aktiv deri në orën 16:00 të 8 marsit, por pas kësaj kohe ka rezultuar i fikur.
Policia e Sarandës ka nisur hetimet dhe ka gjetur në bregun e detit në Ksamil një palë rroba dhe një telefon celular që dyshohet të jenë të 49-vjeçarit.
Hetimet po vazhdojnë, duke përfshirë kërkime në tokë dhe në det, pasi ka dyshime se ai mund të jetë mbytur.
