Në kuadër të misionit ndërkombëtar të kontrollit të kufitar “Frontex” ka bërë publike disa prej rezultateve të punës disa mujore nga disa vende përgjatë vijës së kufirit të gjelbërt në Kakavijë.
Drejtori për kufirin dhe emigracionin, Eduart Merkaj tha se prej 22 majit janë ndaluar 1300 shtetas të huaj. Ata synonin të kalonin tranzit përmes vendit tonë. Një pjesë e mirë e tyre kishin aplikuar për azil, ndërsa shumë të tjerë janë depërtuar për në vendet e tyre. Po ashtu mësohet se 27 shtetas janë shpallur në kërkim.
“Operacioni i Frontex provoi se këto misione janë të nevojshme. Shqipëria nuk është një kufi i brishtë për në Europë por një drejtim i synuar prej emigrantëve të paligjshëm dhe trafikantëve.
Bashkëpunimi dhe rezultatet ishin shumë të mira”, u shpreh zëvendëse drejtoresha e Marrëdhënieve Ndërkombëtare Vodrasa. Sipas saj, rezutatet janë shpresëdhënëse.
Ky ka qenë misioni i parë i Frontex në Shqipëri. Bëhet e ditur gjithashtu se për disa muaj me radhë, forca policore nga 9 vende të ndryshme të botës kanë kryer dy misione të ndryshme në kufirin jugor me Greqinë.
