Bashkimi Europian ka miratuar vaksinën e tretë kundër koronavirusit. Ditën e sotme Agjencia Europiane e Barnave miratoi vaksinën e prodhuar nga kompania AstraZeneca në bashkëpunim me Univeristetin e Oxford. Do të jenë vetë shtetet anëtare ato që do të vendosin se për cilat persona do të përdoret vaksina, pasi të jetë aprovuar.
Më herët këtë javë, komisioni i vaksinave në Gjermani tha se nuk mund të rekomandonte përdorimin e goditjes në njerëz të moshës mbi 65 vjeç. Arsyeja sipas tyre ishte mungesa e të dhënave se si ndikon vaksina te kjo grupmoshë. Mbretëria e Bashkuar e ka miratuar vaksinën AstraZeneca në programin e saj të imunizimit masiv prej disa javësh dhe zyrtarët e shëndetit publik thonë se ajo është e sigurt dhe siguron “nivele të larta mbrojtjeje”.
Duke konfirmuar se kishte aprovuar vaksinën, Agjencia Evropiane e Barnave (EMA) tha se shumica e pjesëmarrësve në studimet e testeve ishin midis 18 dhe 55 vjeç. Ajo tha që ndërsa nuk kishte ende rezultate të mjaftueshme për të treguar se si do të funksionojë vaksina tek njerëzit e moshuar. Vaksina e AstraZeneca do të bëhet vaksina e tretë me injektim në gjak kundër koronavirusit që miratohet në Bashkimin Europian. Më herët janë miratuar edhe vaksinat e Pfiyer dhe BionTech dhe vaksina e Moderna.
