Pas miratimit në Kuvend të gjyqtarit Altin Binaj si anëtar i Gjykatës Kushtetuese, ka reaguar edhe ambasadorja e SHBA në Tiranë, Yuri Kim.
Kim në reagimin e saj shkruan se Këshilli i Emërimeve në Drejtësi (KED), duhet të veprojë sa më shpejt që të dëgjojë emrin te Presidenti në mënyrë që Gjykata Kushtetuese të jetë funksionale.
Sipas ambasadores amerikane një gjykatë kushtetuese funksionale do të thotë një hap para drejt integrimit në BE.
“Lajm i madh: Parlamenti miratoi gjyqtarin për Gjykatën Kushtetuese. Shqipëria tani ka nevojë për 1 gjykatës tjetër për një Gjykatë Kushtetuese funksionale. Ne shpresojmë që KED të dërgojë listën e kandidatëve tek presidenti sa më shpejtë të jetë e mundur.
Kjo është një arritje madhore e cila do ta lëvizë Shqipërinë një hap më afër BE-së dhe pasqyron bashkëpunimin e fortë mes KED, Presidentit dhe Parlamentit”, ka shkruar ambasadorja Kim./Gazetareforma.com/
