Ditën e sotme në orën 16:00 filloi ndeshja miqësore mes Shqipërisë dhe Kosovës e cila përfundoi me rezultatin 2-1 për kuqezinjtë të cilët u rikthyen te fitorja pas një kohe të gjatë.
Kjo ndeshje përveç emocioneve që na ofroi ngriti dhe shumë pikëpyetje për mënyrën sesi u zhvillua pasi para pak orësh u njoftua që trajneri zviceran i Kombëtares kosovare, Bernard Challandes dhe njëri nga pjesëtarët e tjerë të stafit (menaxheri i pajisjeve) kishin rezultuar pozitiv me Covid-19 në testet që kishin kryer.
Kujtojmë këtu se edhe Shqipëria dhe Kosova menjëherë pas kësaj ndeshje do të përballen me ekipet kundërshtare të grupeve respektive për Ligën e Kombeve. Në këto ndeshje kaq të rëndësishmekuqezinjtë e Edi Rejës do të zbresin në fushë me shumë mungesa.
Disa prej legjionarëve të Kombëtares tonë nuk janë ftuar nga trajneri teknik, Edi Reja, disa të tjerë janë të dëmtuar fzikisht dhe nuk mund të kthehen në fushë për një kohë të gjatë, ndërsa lojtarë të tjerë nuk janë lejuar të udhëtojnë drejt vendit tonë për shkak të masave kufizuese që vendet ku luajnë kanë marrë për të parandaluar përhapjen e mëtejshme të virusit.
Kombëtarja jonë nuk ndodhet në gjendjen e saj më të mirë dhe rrezikimi i lojtarëve të grumbulluar dhe infketimit i tyre i mundshëm me Covid-19 mund të na dëmtojë shumë rëndë.
Pasi trajneri Challandes ka patur kontakte të afërta me lojtarët e tij dhe kjo mund të përbëjë rrezik për infektimin e tyre e më pas tanëve.
Në një sondazh të kryer nga “GazetaReforma”, 60% e votuesve mendojnë se zhvillimi kësaj loje mund të sjellë rrezik për kuqezinjtë tanë të cilët nuk janë në formën e tyre më të mirë të mundshme.
Ndërkohë ditën e sotme për shkak të koronavirusit është anuluar miqësorja Norvegji-Izrael pasi një prej lojtarëve të kombëtares izraelite është prekur nga pandemia.Federata skandinave e futbollit shpjegon se vendimi për të mos luajtur këtë miqësore u mor nga autoritetet shëndetësore të Norvegjisë.
