Ministrja e Arsimit duket e bindur se protesta e studentëve nuk ka qenë vetëm për përgjysmimin e tarifave.
Nga “Zonë e Lirë”, ministrja e ka kundërshtuar Arian Çanin kur ky i fundit ka thënë se studentët kërkonin vetëm uljen e tarifave dhe asgjë më tepër.
Shahini: “Është një moment super i mirë që t’i çojmë idetë më të mira tek ligji i Arsimit të Lartë dhe të bëjmë ndryshimet që duhen nëpër konvikte”.
Çani: “Të gjithë e kuptuam se sa doli Rama dhe tha se tarifat u përgjysmuan, të gjithë ikën në shtëpi”. Shahini: “Unë besoj se përpos lekëve, ka qenë edhe problemi i cilësisë së arsimit. Kam bërë shumë debate me studentët sa për ta kuptuar këtë gjë”.
Çani: “Pse nuk vazhdoi protesta atëherë nëse do kishin këto probleme që thua ti?”.
Shahini: “Sepse tani ata do fillojnë dialogun për të përmirësuar cilësinë e arsimit. Kemi hapur edhe punë në administratë për studentët ekselentë. Në momentin që ulemi dhe gjejmë zgjidhje konkrete për këto gjëra që na shqetësojnë, është shumë mirë. Ne krijojmë mundësinë që për 1 vit pune ata ta krijojnë eksperiencën në administratë”.
