Në 24 orët e fundit janë raportuar 16 vatra zjarri në disa zona të Shqipërisë, ndërsa njëra prej tyre vijon të jetë aktive dhe një tjetër mbetet nën vëzhgim.
Sipas Ministrisë së Mbrojtjes, situata është nën kontroll dhe po menaxhohet nga forcat operacionale dhe efektivët e Forcave të Armatosura.
Vatra më problematike aktualisht ndodhet në fshatin Dhores të Skraparit, ku flakët janë ende aktive. Ndërkohë, në Parkun Kombëtar të Lurës, zjarri është vënë nën kontroll dhe po monitorohet për shuarje të plotë.
Njoftimi i Ministrisë së Mbrojtjes:
Gjatë orëve të fundit janë evidentuar 16 vatra zjarri në territorin e vendit, 1 ndër të cilat mbetet aktive dhe 1 është nën monitorim
🔥 Vatra aktive:
– Në fshatin Dhores, bashkia Skrapar, vijon puna në terren nga strukturat operacionale edhe ditën e sotme.
– Gurë-Lurë, Bashkia Dibër (Parku Kombëtar Lurë), zjarri është vënë nën kontroll, po monitorohet për t’u siguruar për shuarjen plotësisht të tij.
✅ Zjarre të shuar:
* Në malin e Allushit, Bulqizë
* Në rrugën Delvinë-Kardhiq, njësia administrative Vergo, bashkia Delvinë
* Në fshatin Gumenicë, bashkia Selenicë
* Në fshatin Bolenë, bashkia Himarë
* Në lagjen Shijan, bashkia Delvinë
* Në fshatin Dukat, bashkia Vlorë
* Në lagjen Nr. 2, njësia administrative Rrogozhinë,
* Në fshatin Qerret, bashkia Kavajë
* Në fshatin Kallmet, bashkia Lezhë,
* Në fushat e stërvitjes pranë stadiumit të KF Skënderbeu, bashkia Korçë
* Në fshatin Vashtëmi, njësia administrative Libonik, bashkia Maliq
* Në lagjen Çole, bashkia Vlorë
👨🚒 Në terren janë angazhuar 16 automjete zjarrfikëse, 142 forca operacionale dhe 15 efektivë nga FA, në koordinim të plotë me autoritetet vendore.
U bëjmë thirrje banorëve të tregohen të kujdesshëm, të shmangin ndezjen e zjarreve dhe të raportojnë në kohë vatrat!
