Teksa ditën e djeshme pati një përplasje midis Policisë së vendit toë dhe muxhahedinëve të strehuar në një kamp në Manëz të Durrësit, një thirrje vjen nga Ministria e Jashtme e Iranit. Zëdhënësi i Ministrisë së Jashtme të Iranit, Nasser Kana’ani ka deklaruar se muxhahedinët do të jenë gjithmonë një kërcënim për sigurinë e Shqipërisë, duke i cilësuar ato si terroristë.
Ai është shprehur se kjo ka qenë edhe arsyeja që qeveria i dëboi dhe qeveritë e tjera refuzuan t’i pranonin, ndërsa bën thirrje që Shqipëria ta marrë seriozisht kërcënimin.
“Shpresojmë që qeveria shqiptare të korrigjojë gabimin e saj në pritjen e këtyre terroristëve. MEK organizatë terroriste”, ka thënë ai.
Sjellim në vëmendje se e gjithë situata e tensionuar u krijua nga një kontroll që Policia e Shtetit ndërmori ditën e djeshme në kampin e MEK në Manëz. Banorët e këtij kampi bënë rezistenë dhe nuk lejuan që të kontrolloheshin pajisjet elektronike që ata kiishin, teksa Policia dyshon se ato janë të lidhur me sulmet kibernetike.
Nga ana tjetër nga pala e MEK u raportua se si pasojë e tensioneve një person mbeti viktimë, ndërkohë që kjo u mohua fillimisht nga Policia. Më vonë në një prononcim për mediat, Policia ka thënë se viktima, pra anëtari i MEK ka humbur jetën si pasojë e një arresti kardiak. Në fakt e gjithë situata, mënyra se si reaguan banorët e kampit MEK te strehuar në Durrës që prej vititi 2013, fakti që kishin gati foto të viktimës dhe posterat e printuar të krijojnë dyshimet për diçka të parapërgatitur më parë.
