Deputetja e PD, Ina Zhupa, tha nga foltorja e kuvendit se ministrat rinj të qeverisë Rama vëtëm sa ndërruan kostumin se ajo që i lidh ende me paraardhësit e tyre është korrupsioni. Zhupa shprehet se në vend se qeveria të çonte në SPAK Manastirliun për abuzimet në sistemin shëndetësor, ajo promovohet në ministri të Arsimit.
“E nisët me emërime dhe shkarkime ministrash që në fakt ndryshon vetëm veshja, por jo korrupsioni dhe stili i paligjshëm i emërimit të tyre.
Kulmi nuk është Mete, por Ogerta Manastirliu. Si mundet kjo qeveri që zonjën ‘abuzimi’ siç thonë mesazhet që më vinin dje thoshin zonja ‘vrastare’, por unë nuk e përdor, por zonja ‘abuzimi’ është 100% e vërtetë sepse e thonë dhe kontrollet e KLSH.
Në vend ta çonit në SPAK e bëtë ministre arsimi, për të shkatërruar arsimin. Një ministre që nuk thotë dot një sukses në krye të ministrisë së shëndetësisë, e promovoni”, tha ajo.
