Sot në Ditën Ndërkombëtare të Minatorëve, një grup minatorësh dhe ish-minatorësh protestuan para Ministrisë së Infrastrukturës.
Ashtu siç edhe në protestat e mëparshme të organizuara nga ata, minatorët dhe ish-minatorët kërkuan miratimin e statusit të veçantë, ndërsa kanë ndezur qiri në shkallët e ministrisë në kujtim të minatorëve që kanë humbur jetën gjatë gjithë këtyre viteve në galeri.
Në kërkesën e tyre, ata theksuan se është e nevojshme që të zhvillohet një takim me ministren Balluku, për të marrë në konsideratë kërkesat e tyre.
Pjesë e protestës kanë qenë edhe përfaqësues të partisë Lëvizja BASHKË, të cilët treguan mbështetjen e tyre për kërkesat e minatorëve dhe ish-minatorëve.
“Para një ore pamë që një vendim i një grupi prej 9 deputetësh dërgoi në parlament ligjin për heqjen e zonave të mbrojtura dhe në më pak se 10 minuta u votua, por për minatrorët nuk shpenzojnë asnjë minutë, për t’i shërbyer popullit të yre. Kanë shpenzuar vite për të na shtypur, për të na larguar nga vendi e për të na varfëruar”, tha aktivisti Emiljando Kita.
