Elon Musk, një nga njerëzit më të pasur në botë, është bërë baba për herë të 14-të.
Miliarderi dhe biznesmeni ka mirëpritur fëmijën e katërt me partneren e tij, Shivon Zilis, ndërsa ka gjithsej dhjetë fëmijë të tjerë.
Çifti, që ka pritur më parë binjakët Strider dhe Azure (3 vjeç) dhe vajzën Arcadia (1 vjeç), ka shtuar një anëtar të ri në familjen e tyre.
Zilis e shpalli këtë lajm në platformën X (ish-Twitter) me ndjekësit.
“Diskutuam me Elon [Musk] dhe, duke pasur parasysh ditëlindjen e bukur të Arcadia-s, ndjemë se ishte më mirë ta ndajmë drejtpërdrejt edhe lajmin për djalin tonë të mrekullueshëm, Seldon Lycurgus. I ndërtuar si një titan, me një zemër të madhe prej ari. E duam aq shumë.”
Musk, i njohur për qëndrimet e tij pro-nataliste, ka folur shpesh për rëndësinë e familjeve të mëdha si një mënyrë për të parandaluar rënien e popullsisë.
