Dosja Metamorfoza tregoi për të disatën herë tregoi lidhjet e forta që ka krimi në Shqipëri me policinë. Dhe nuk po bëjmë fjalë për rang të ulët në strukturat e zbatimit të ligjit, por për drejtues të lartë , prokurorë dhe shefa komisariatesh. Në përgjimet e publikuara nga “Metamorfoza” shfaqet prokurori i Kukësit Xhevahir Lita, ish-shefi i operacionales, Oltion Bistri, ish-efektivi Adrit Hasanbegaj. Koha ka treguar se në Shqipëri më shpejt vritesh nga “hasmi” se arrestohesh nga policia. Përgjimet e dosjes së Shkodrës treguan se personazhe të lartë të botës së krimit merrin informacione përmes policisë për vendodhjen dhe lëvizjet e kundërshtarëve.
Në dosje del se Behar Bajri, përmes burimeve në Polici kishte lokalizuar Ibrahim Licin. Në përgjimet e shënuara në dosjen hetimore të zbardhur nga Inside Story tregohen qartë bisedat “vllazërore” të krimit me policinë.
“Pëllumbi i shprehet që sot do takoj këtë shokun e Policisë në Shkodër dhe ti them për ndonjë info për për Brahimin. Behari e i shprehet se nëse e merr premtoji sa lekë do veç të thonë shtëpinë edhe sa lek do veç hap gojën kudo që të hyj ta vras.
Njerëz në kërim që eliminohen dhe nuk arritet të çohen para drjetësisë dhe më ke keqja kur organet shtëtrore nuk punojnë për drejtësi, por kanë punuar për grupe kriminale” u shpreh avokati, Redi Ramaj për Inside Story.
Bisedat implikojnë zyrtarë të ndryshëm që korruptohen edhe nga kundërshtarët e Bajrave.
“Pëllumbi shprehet që ata kanë nëndrejtorin dhe shefin e komisariatit ndërsa ne kemi shefin e krimit të organizuar dhe e kemi informacionin 10, që ata nuk e dinë”
Në këtë bisedë dhe të tjera të ngjashme, zbulohet bashkëpunimi i oficerit Ardit Hasanbegaj me biznesmenin Gjoka dhe miqtë e tij.
Në komunikimin mes Pëllumb Gjokës dhe Behar Bajrit, zbulohet një takim që ky i fundit ka pasur me zëvendësdrejtorin e Policisë së Shkodrës.
Aty, vihen re tonet urdhëruese dhe tepër ofenduese ndaj njeriut me uniformë që i nënshtrohet të fortit të Shkodrës.
“Pëllumbi i shkruan, thuaji pse ke nisur shkresë që të vijnë grupet e vëzhgimit. Pyete për llogari të kujt e ke bërë. Behari i shkruan që nuk dua ta bëj shok, do ta pyes, do ta rëndoj. Pëllumbi i shkruan pyete se kush të ka thënë ti lësh furgonët në krye të rrugës së Licëve”
“Nëse kemi dy konflikte me një dosje, dy grupe që konfliktohen disurisht duhet të dy grupet të hetohen në mënyrë barabartë e qenësishme nga grupi hetimor” u shpreh Eugen Beci, ish-prokuror
Sipas transkripteve, biznesmeni Gjoka porosit mikun e tij që ti japë një mesazh kërcënues zëvendësrejtorit të policisë, duke i thënë se kushdo që është përzier për ta futur në burg do të jetë hasmi i tij.
Më poshtë, dy bashkëbiseduesit flasin edhe për rezultatet e takimit me zyrtarin e lartë të policisë që i nënshtrohet presionit.
‘Behari i shkruan që i kam folur rëndë, dhe më tha, fol: ca të duash e bëj për ty. Unë i thashë dua Braçen. Ai më tha, po, ta jap unë, vetëm nuk dua ta marri vesh njeri”.
