Presidenti Ilir Meta ka uruar Kryetaren e sapozgjedhur të Kuvendit, Lindita Nikollën. Në një postim në Facebook, Meta shpreh mbështetjen për Nikollën dhe abshkëpunim për interesin e përbashkët të forcimit të demokracisë, shtetit të së drejtës, rivendosjes së llogaridhënies në Kuvend dhe respektimin e Kushtetutës së Republikës së Shqipërisë.
meta shprehet se më në fund janë mbyllur dy vite të errëta në historinë parlamentare të Shqipërisë, me pasoja afatgjata për demokracinë dhe deklaroi se tani asnjë sekondë bojkot nuk ka vlerë dhe kuptim
“Urime Kryetares të zgjedhur sot nga Kuvendi i ri i konstituar i Republikës së Shqipërisë!
Më në fund kemi mbyllur dy vitet më të errëta të historisë tonë parlamentare, në këto tre dekada, me pasoja shumë të rënda dhe afatgjata për demokracinë, shtetin e së drejtës, integrimin europian dhe gjendjen ekonomike e sociale të qytetarëve tanë.
Tani asnjë sekondë bojkot, nuk ka vlerë dhe kuptim!
Mbështetje për Kryetaren e zgjedhur, Sh.S.Znj Lindita Nikolla dhe bashkëpunim për interesin e përbashkët të forcimit të demokracisë, shtetit të së drejtës, rivendosjes së llogaridhënies në Kuvend dhe respektimin e Kushtetutës së Republikës së Shqipërisë”, shkruan Meta.
Në seancën e ditës së sotme, Lindita Nikolla u zgjodh Kryetare e Kuvendit me 79 vota pro e katër kundër. Ajo do të pasojë në detyrë Gramoz Ruçin.
