Genc Gjokutaj, avokati i Ilir Metës, është paraqitur këtë të martë në ambientet e SPAK, ku ish-Presidenti është thirrur për t’u marrë në pyetje lidhur me hetimet mbi dosjen “CEZ-DIA”.
Meta, i arrestuar më 21 tetor 2024 dhe aktualisht në masën e sigurimit “Arrest në burg”, pritet të mbërrijë rreth orës 10:00.
Në një reagim të bërë nga qelia përmes rrjeteve sociale, Meta ka deklaruar se është i gatshëm të marrë pjesë në seancën e pyetjeve dhe t’u përgjigjet edhe pyetjeve të mediave pas përfundimit të saj.
Ai ka ironizuar hetuesit, duke thënë se ata do të jenë ata që do të pyeten prej tij.
Dosja “CEZ-DIA” është një çështje e rëndësishme për Prokurorinë e Posaçme Kundër Korrupsionit dhe Krimit të Organizuar, e cila vazhdon hetimet për përfshirje të mundshme të zyrtarëve të lartë në korrupsion dhe shpërdorim detyre.
