Ditën e sotme Presidenti Ilir Meta është takuar me drejtuesit dhe pjesëmarrësit e Kursit të Lartë të Sigurisë dhe Mbrojtjes nga Shqipëria dhe vende të tjera në NATO.
Ka qenë vetë kreu i shtetit ai që ka treguar detaje nga takimi.
Gjatë një postimi në Facebook, Meta shkruan se me to zhvilluan një bisedë të hapur, duke shtuar se theksoi nevojën e përmbushjes së të gjitha detyrimeve nga ana e Shqipërisë si anëtare e NATO. Ai gjithashtu thkesoi që vendet e Ballkanit Perëndimor të orientohen nga Perëndimi.
Postimi i Plotë:
Vërtet kënaqësi të takoja drejtuesit dhe pjesëmarrësit e Kursit të Lartë të Sigurisë dhe Mbrojtjes, nga Shqipëria dhe vende të tjera anëtare të NATO-s. Zhvilluam një bisedë të hapur lidhur me sfidat e sigurisë dhe rëndësinë që ka Aleanca në funksion të garantimit të paqes, sigurisë dhe stabilitetit në rajon dhe botë. Theksova nevojën e përmbushjes së të gjitha detyrimeve të Shqipërisë si anëtare e NATO-s, duke evidentuar dhe kontributin tonë në misionet dhe operacionet e përbashkëta. Duhet të bashkojmë të gjitha përpjekjet tona strategjike për ta mbajtur Ballkanin Perëndimor një hapësirë të orientuar drejt Perëndimit, që jeton në paqe dhe ndan vlerat e përbashkëta të Aleancës së Atlantikut të Veriut.
