Presdienti Ilir Meta ka pritur liderin e lëvizjes Vetevendosje në një takim gjatë ditës së sotme në Presidencë. Meta e ka cilësuar këtë një takim vëllazëror dhe ka thënë se ishte kënaqësi të priste fituesin e zgjedhjeve të fundit në Kosovë. Presidenti e ka uruar Kurtin për fitoren dhe për procesin e shkëlqyer zgjedhor. Ai shkruan se ka ndarë me Kurtin ide të vyera për bashkëpunim të gjithanshëm mes dy vendeve për të garantuar një të ardhme europiane.
Postimi i presidentit Ilir Meta:
Sot kisha kënaqësinë të prisja në një takim vëllazëror, liderin e Lëvizjes Vetëvendosje, Albin Kurti, fitues të zgjedhjeve të fundit në Kosovë.
E urova për fitoren, por mbi të gjitha për procesin e shkëlqyer zgjedhor, që realizoi Kosova.
Ndamë shumë ide të vyera për forcimin e gjithanshëm të bashkëpunimit mes dy vendeve tona dhe përshpejtimin e proceseve integruese, për të garantuar një të ardhme më të mirë dhe të sigurt europiane, që meritojnë qytetarët tanë. 🇦🇱❤️🇽🇰
Albin Kurti erdhi ditën e djeshme në Shqipëri në kuadër të 577 vjetorit të Besëlidhjes së Lezhës, nga ku kërkoi edhe mbështetjen për kandidatin e LVV (Qendra Shqipëri) në këtë qark, Iliaz Shehu. Kujtojmë që Vetëvendosje mbështet disa kandidatë për zgjedhjet e 25 prillit në Tiranë e Gjirokastër gjithashtu.
