Presidenti Ilir Meta deklaron se qeveria e ka kthyer ne traditë kultivimin e kanabisit para zgjedhjeve. Në këtë periudhë, sipas tij, hallexhinjtë punësohen tek grupet kriminale. Ai ka ngritur shqetësimin e shpërthimit të kanabisit gjatë një viti zgjedhor në Shqipëri. Ai shton se bosët e vërtetë kurrë nuk preken teksa arrestohet gra dhe burra të moshuar si grup i strukturuar kriminal.
Statusi i Ilir Metës
“Shpërthimi i kanabisit në vit zgjedhor është traditë e njohur tashmë për t’u përdorur si mjet përfitimi për grupet kriminale që marrin përsipër kontrollin elektoral të qarqeve të caktuara por edhe si mjet shantazhi ndaj shumë hallexhinjve që në mungesë të mbështetjes shtetërore për aktivitetet bujqësore, blegtorale, të agrobiznesit dhe agroturizmit janë të detyruar të bëhen punëtorë të këtyre grupeve kriminale.
Bosët e vërtetë kurrë nuk preken por shpesh për të prodhuar statistika fiktive, arrestohen gra dhe burra të moshuar si grup i strukturuar kriminal” shkruan Ilir Meta
Ai u referohet të dhënave të artikulli të një ish-oficeri policie, të botuara në të një përditshme.
/GazetaReforma.com /
