Presidenti Ilir Meta ka folur për ngjarjen e rëndë që ndodhi ditën e djeshme në Elbasan ku mbeti i vrarë Pjerin Xhuvani. Në një television local në Vlorë, Meta tha se konfliktin në Elbasan e stisi Edi Ram dhe se ai është i vetmi përgjegjës për ngjarjen. Gjithça ndodhi në praninë e policisë, gjë që tregon se shteti është i kapur nga krimi. Ai e quajti legjitime të drejtës e opozitës për të ngritur struktura për mbrojtjen e votës pasi nga ana tjetër ka struktura kriminale të Rilindjes që vazhdojnë me manovra për blerjen e votës dhe presione ndaj qytetarëve.
“Konfliktin në Elbasan e stisi Edi Rama, i cili është i vetmi përgjegjës për atë situatë dhe për të gjitha zhvillimet dramatike aty. Ngjarja e rëndë ndodhi në praninë e policisë, që tregon se ky është një shtet i kapur nga krimi. Struktura për mbrojtjen e votes është një e drejtë legjitime e opozites, në kushtet kur Damiani në vend që të ishte sot në burg është kandidat për deputet, kur struktura kriminale të Rilindjes vazhdojnë me manovra për blerjen e votës dhe presione ndaj qytetarëve.
Për këtë ofertë të tyre poshtëruese, Rilindja do ndëshkohet në mënyrën më shembullore më 25 Prill.” u shpreh Meta.
Ditën e djeshme u shënuar ngjarja më e rëndë e fushatës elektorale, ku pas një koonflikti mbeti i vrarë Pjerin Xhuvani dhe u plagosën 4 persona, mes tyre një efektive policie. Ngjarja ndodhi pasi mbështetës të PD ndalun një makinë për të duke akuzuar njerëzit që ishin Brenda se po shpërndanin para për blerjen e votave.
