Presidenti Ilir Meta ka thënë se do të dekretojë çdo shumicë që do të dalë nga zgjedhjet e 25 prillit, të lira dhe të ndershme. I ftuar në një televizion lokal në Shkodër, Meta tha se do i besojë rezultateve që ai shikon dhe se besimi më i madh është tek populli shqiptar pasi cështja e zgjedhjeve i takon kujtdo. Presidenti deklaroi se ai është i vetmi politikan në Shqipëri që e ka pasur çështjen e integrimit prioritet kryesor. Ai gjithashtu komentoi edhe Partinë Socialiste për të cilën tha se ka qenë një parti demokartike, por Edi Rama e tjetërsoi përmes strukturave të kapjes që instaloi si një parti-shtet.
“Do dekretoj çdo shumicë që do të dale nga 25 prilli, nga zgjedhjet e lira dhe te ndershme. Do t’i besoj rezultateve që shikoj unë. Do dekretoj atë shumicë që fiton numërim më të madh të mandateve. Besimi më i madh është tek populli shqiptar. Çështja e zgjedhjeve i takon çdo prindi, fëmije, nënë dhe babai.
Jam i vetmi politikan në Shqipëri, që çështjen e integrimit e kam pasur prioritetin e tij kryesor. Partia Socialiste ka qenë një parti demokratike, Edi Rama e tjetërsoji përmes strukturave të kapjes që ka instaluar, si parti-shtet”, ka thënë Meta.
