Presidenti Ilir Metaka bërë paralajmërimin e fortë për ata që shkelin ligjin dhe prekin votën. Në emisionin “Log” në Abc Neës Meta ka thënë se për zgjedhjet ekipi i presidentit do të jetë në terren dhe, ndëshkimi do të jetë spektakolar. Ai tha se askush nuk do të guxojë të prek dhe të cenojë një votë, pasi do të marrë ndëshkim shembullor.
“Ekipi i Presidentit do të jetë në terren, ndëshkimi do të jetë spektakolar
Po i paralajmeroj nëse prekin apo dhunojnë votat, se mbi 2 milionë shqiptarë do jenë para qendrave të votimit për të mbrojtur votën. Telefoni i Presidentit do të jetë i hapur për të gjithë shqiptarët. Në 25 prill, ekipi i Presidentit do jetë në terren, në çdo qendër votimi. Askush të mos guxojë të prekë dhe të cënojë një votë se ndëshkimi do jetë shembullor dhe spektakolar”, ka thënë Meta.
Më tej presidenti ka paralajmëruar se do të denoncojë krimin zgjedhor dhe do të mbledh gjithë ndërkombëtarët që ta shohin. Meta ka deklaruar se do të happen sërish dosjet e Shijakut dhe Dibrës, ku u publikuan përgjime për shit-blerje të votave.
“Unë do e denoncoj krimin zgjedhor, do shkoj në Parlament të mbledh Ramën aty të gjithë në sy të Ramës do mbledh ndërkombëtarët në mënyrë më transparente aty ta shohin krimin zgjedhor. Rama ndoshta do jetë deputet aty do e shohi. Këta që kanë shkelur ligjin dhe kushtetutën ja kështu do demaskohen do dënohen në mes të parlamentit. Do hapen prapë dosjet e Shijakut dhe Dibrës, ka shumë aty. Pluralizmi politik dhe vota e lirë, kjo është e drejta e qytetarëve. Ne na është shkelur vota, sepse kishim zgjedhjet e Shijakut dhe Dibrës, ata po mundohen ta bëjnë prapë këtë”, tha Meta.
