Ditën e sotme kryetari i partisë së Lirisë, Ilir Meta ka deklaruar se qeveria sa herë që kishte ngjarje ku zbuloheshin korrupsionet e bëra nxiste grupet kriminale që të bënin akte për të hequr vëmendjen.
Ilir Meta: Nuk na e ka fajin Vuçiçi që ky bëhet ogiç i Vuçiçit. Atij i ikën nga Serbia 1 për 1000 banorë. Ndërsa ne na ikin 10 në 1000 banorë. Ne nuk duhet të biem në lojrat e këtij. Qëllimi i këtij ky është, të shpiki konflikte, rrëmuja. Madje ka dhe të dhëna, që në bashkëpunim me grupe kriminale, kur ka ngjarje ku është e fokusuar qeveria e këtij dhe korrupsion, nxisin grupet kriminale për të bërë akte që të dalë në plan të parë kronika e zezë për të shfokusuar vëmendjen, mos u habisni për këto gjëra.
Gjithashtu po ditën e sotme kryetari i Partisë së Lirisë Ilir Meta, ka bërë një tjetër thirrje për uljen e çmimit të hidrokarbureve.
Me anë të një postimi në Facebook, ish-presidenti u shpreh se i duhet dhënë fund “rrjepjes së pamëshirshme” që po i bëhet popullit me çmimet e larta.
“Ne do të bëjmë çdo gjë. Çmimet do bien kur populli të ngrihet. Dhe populli do të ngrihet. Askush nuk ka pse të shqetësohet nga konferencat dhe denoncimet. Çdo denoncim është bërë me fakte, me prova dhe jo për qëllime politike. Është në interes të lartë të qytetarëve. Do të vazhdojmë çdo ditë, jo vetëm të bëjmë denoncime. Ora e shtetit po vjen, e ligjit po vjen”, tha Meta.
