Teksa kanë kaluar 8 muaj luftë në Ukrainë, vjen një paralajmërim i fortë nga kryeministri Zelenskyy ndaj rusëve.
Ai iu është drejtuar qytetarëve rusë, veçanërisht zyrtarëve të qeverisë, duke u thënë atyre “ju do të vriteni një nga një” për sa kohë që Presidenti Vladimir Putin, i cili urdhëroi pushtimin e Ukrainës, është në pushtet.
“Përderisa nuk e zgjidhni problemin e atij që filloi të gjitha, që filloi këtë luftë të çmendur kundër Ukrainës, do të vriteni një nga një dhe do të bëheni kokë turku sepse nuk pranoni që kjo luftë është një gabim historik për Rusinë”, tha Zelensky në mesazhin e tij dërguar rusëve.
Kujtojmë që Zelenkyy ka kërkuar me hërët antarësim të shpejtë të Ukrainës në NATO.
“Ne kemi arritur standardet e Aleancës. Ne po bëjmë një hap vendimtar duke nënshkruar kërkesën e Ukrainës për anëtarësim të përshpejtuar në NATO”, ka thënë Zelensky në një video të postuar nga Presidenca ukrainase në rrjetet sociale.
Ndërkohë, ai është shprehur pas Këshillit të Sigurisë se do të ketë bisedime me Rusinë vetëm kur të ndërrohet presidenti, duke mbyllur çdo mundësi sado të vogël të një takimi me Putin. “Vendi ynë është përpjekur gjithmonë të bashkëjetonte në kushte të barabarta dhe të ndershme, dinjitoze dhe të drejta”.
