Ukraina është ende në luftë edhe pas disa përpjekjesh për negociata mes saj dhe Rusisë.
Ndërkohë që kryebashkiaku i Kharkiv, qyteti i dytë më i madh i Ukrainës, u ka bërë thirrje bizneseve lokale që të rifillojnë gradualisht punën. Duke folur në një adresë video të postuar në kanalin e tij Telegram, Ihor Terekhov tha: “Qyteti dhe vendi duhet të rinisin ekonominë”.
“Në javët e fundit, presidenti dhe qeveria kanë thjeshtuar ndjeshëm rregullat për të bërë biznes dhe kanë ulur ndjeshëm normat e taksave. Unë u kërkoj sipërmarrësve të Kharkiv: Kthehuni gradualisht në punë.”
Kryebashkiaku shpjegoi se megjithëse mund të jetë “e pamundur” të kthehet menjëherë në kapacitetin e plotë, “mund të bëhet në një mënyrë të reduktuar”. Sipas Terekhov, deri më 30 mars, si rezultat i veprimeve ruse, 1.531 objekte të infrastrukturës civile janë shkatërruar në qytet, duke përfshirë 1.292 ndërtesa banimi, 70 shkolla, 54 kopshte, 16 spitale dhe 239 ndërtesa administrative.
Theksojmë se Rusia mohon të ketë shënjestruar civilët, por zyrtarët lokalë thonë se të paktën 80 për qind e qytetit është shkatërruar dhe agjencitë e OKB-së kanë paralajmëruar për kushte “veçanërisht të pafavorshme” në Mariupol dhe qytete të tjera.
Njerëzit që arrijnë në Zaporizhia, zakonisht pas një udhëtimi të mundimshëm dhe të rrezikshëm me makinë ose autobus, flasin për tokë të rrënuar, të shkretë, plot gërmadha pa energji elektrike dhe ngrohje, ku njerëzit gatuajnë në zjarret e ndezura dhe pinë ujë shiu ose borë të shkrirë.
