Teksa koronavirusi po kthehet pak nga pak në mënyrë jetese, duket se e gjithë vëmendje e botës është drejtuar nga ekonomia që ka pësuar një goditje shumë të madhe.
Mes vendeve të prekura nga kriza e pandemisë eshtë padyshim edhe vendi ynë, ku qeveria ka publikuar tashmë paketën e dytë financiare dhe ka paralajmëruar të tretë.
Mirëpo, në mes të kësaj krize, e cila nuk dihet sa pasoja do ketë, Ministria e Infrastrukturës dhe Energjitikës, drejtuar nga Belinda Balluku, ka akorduar 200 mijë euro të tjera për të rregulluar zyrat.
Disa muaj më parë ky institucion akordoi mbi 1 milionë euro për rregullimin e godinës së zyrave të ministrisë dhe së fundmi “Gazeta SHQIP” ka siguruar disa dokumente për një tender, ku mijëra euro po shpenzohen për efiçencën e godinës.
Sipas dokumenteve, Ministria e Infrastrukturës nuk ka bërë një garë efikase në këtë tender dhe procedura e zgjedhur është me negocim pa shpallje të njoftimit të kontratës, ndërkohë që punët nuk kanë qenë emergjente.
Në dokumente thuhet se objekti i tenderit është “aplikimi i teknikës më të fundit të efiçencës në godinën e MIE”, ndërkohë që afati për punimet do të jetë vetëm 2 muaj.
Mirëpo, përballë kësaj situate, të shpenzosh 200 mijë euro për luks është e tepërt, në një kohë kur mijëra shqiptarë po kalojnë një situatë tejet të vështirë.
