Kryeministri Edi Rama ka thënë ditën e sotme në Kuvend se rritja e çmimit të bukës ka lidhje me konjukturën ndërkombëtare dhe ka theksuar sërish se Shqipëria ka zgejdhur ekonominë e lirë dhe përfiton nga të mirat ashtu siç merr edhe goditjet.
“Sa për çmimin e bukës, po ju njoftoj se sot dhe gjithë ditën furrat e bukës e marrin energjinë elektrike me çmim preferencial që prej ditës që kemi ardhur ne në pushtet. Rritja e çmimit të bukës nuk ka lidhje fare me gjëra të tjera përveç se konjukturën ndërkombëtare. Ne kemi qenë për ekonominë e lirë të tregut dhe kemi zgjedhur që të jetojmë në një vend të hapur që përfiton nga të gjitha të mirat dhe të marrin edhe goditjet”, tha Rama.
Kryeministri u ndal edhe te çmimi i naftës, duke thënë se sot është më i lirë se kur PD la qeverinë. Ai ironizoi me demokratët dhe tha se konceptet e PD janë mbeturina të sistemit të vjetër.
Ju partia e qendrës së djathtë, e liberalizimit të tregut, po mos ju njohësh mendon se jeni mbeturina të partisë së Punës. Konceptet tuaja janë mbeturina të sistemit të vjetër. Tani më thoni me gjithë taksën e karbonit brenda, a është nafta sot më lirë se ditën kur ju latë qeverinë? Në 2013, diezeli 182 lekë benzina 186 lekë, merrni tabelën. Sa e blenin shqiptarët kur ju ishit në qeveri, diezelin”, ka thënë Rama.
