Mbrëmjen e sotmw në një intervistë për Ora News, ish-kryeministri Sali Berisha e ka quajtur “mrekulli” çdo vaksinë që sipas tij është shpikur për të mbrojtur jetën e njerëzve.
Berisha zbuloi se ka antitrupa madje edhe është vaksinuar kundër Covid-19
Merrni pjesë në salla të mbushura plot: A nuk keni frikë nga Covid? “Unë e kam kaluar Covidin, kam bërë dy vaksina por unë u thashë kolegëve të tu në bisedë të lirë. Unë jam një njeri që bëj çdo vaksinë, jam nga ana tjetër e bëj gjithmonë vaksinat, janë një mrekulli e njerëzimit, asgjë nuk ka ndikuar në jetën e njeriut sa ka zgjatur vaksina, por jam kundër detyrimit të njerëzve për të vendosur për vaksinën përveç fëmijëve që vendosin prindërit. Mos harrojmë çfarë është njeriu, i cili është psikologjia e tij. Janë jo të paktë , veçanërisht moshat e reja të cilat e konsiderojnë vaksinën një agresor të rrezikshëm. Të gjitha argumentet që mund tu japim atyre, ata janë lënë në tmerrin të cikël të rinjtë nuk duan ta fusin në trupin e tyre. Unë jam pro vaksinës dhe pro të drejtave të njeriut, nuk mund të pranoj terrorin e ushtruar ndaj njerëzve. Imagjino si i duket vetja një nëne të re që kërcënon bebin e saj në bark, duhet të bëhet propagandë e madhe për t’iu mbushur mendjen njerëzve por jo për vaksinim të detyruar”, tha Berisha.
