Konferenca e Kryetarëve ka miratuar ditën e sotme propozimin e kreut të Grupit Parlamentar Socialist, Taulant Balla, për t’i mbajtur fizikisht mbledhjet e komisioneve të përhershme parlamentare.
Anëtarët e komisioneve duhet paraqesin certifikatën e vaksinimit ose test negative PCR të kryer jo më parë se 48 orë nga dita e mbledhjes.
Anëtarët e Partisë Demokratike në komisione kërkuan mbajtjen e mbledhjeve fizikisht dhe jo online. Ndërkohë, disa ditë më parë Taulant Balla bëri me dije se vendimi do të merrej në konferencën e kryetarëve.
Vendimi i plotë:
- Zhvillimin e mbledhjeve te komisioneve te perhershme te Kuvendit duke respektuar distancimin fizik te deputeteve dhe masat e tjera mbrojtese per parandalimin e perhapjes se infeksionit te shkaktuar nga COVID-19. Per te marre pjese ne mbledhjet e komisioneve deputeti dorezon prane sekretarise se komisionit c;ertifikaten e vaksinimit ose testin PCR negativ te kryer jo me vone se 48 ore perpara fillimit te mbledhjes.
- Me dakortesine e kryesise se komisionit parlamentar mbledhjet mund te zhvillohet edhe ne distance nepermjet mjeteve te komunikimit elektronik, me terminal te pavarur deri ne perfundimin e gjendjes se epidemise se shkaktuar nga COVID-19.
III. Ngarkohet Sekretari i Pergjithshem per mbeshtetjen me burime njerezore dhe logjistike te nevojshme per te siguruar zhvillimin e mbledhjeve te komisioneve parlamentare dhe marrjen e masave mbrojtese te nevojshme per parandalimin e perhapjes se infeksionit te shkaktuar nga COVID-19.
- Ky vendim hyn ne fuqi menjehere.
