Policia Kombëtare në Huesca ka arrestuar një person me origjinë shqiptare, i cili banon në Zaragoza dhe dyshohet se ka kryer gjashtë grabitje në lokale atje gjatë dy muajve të fundit. Ai është identifikuar si i vetmi autor i këtyre sulmeve, bazuar në pamjet e kamerave të sigurisë dhe në ngjashmëritë e metodash të përdorura në secilën prej grabitjeve, të cilat synonin kryesisht objekte në pronësi të shtetasve kinezë.
Në një rast, ky individ ka prerë grilën metalike të një objekti dhe ka thyer derën për të hyrë brenda, por fillimisht ka pritur jashtë për të vëzhguar nëse aktivizohej ndonjë alarm ose nëse ai mund të vihej re nga qytetarët ose policia. Pas konfirmimit që nuk kishte rrezik, ai është kthyer pas 20 minutash për të përfunduar grabitjen.
Ky i dyshuar është kapur nga një patrullë policie më 20 Maj, i veshur me kapuç dhe me një çantë shpine, që përmbante mjete të ndryshme grabitjeje. Identiteti i tij u konfirmua nga pamjet e kamerave të sigurisë dhe më pas ai u arrestua. Hetimet treguan se ai udhëtonte nga Zaragoza në Huesca me autobus për të kryer grabitjet dhe përdorte linjën e fundit të autobusit për të u kthyer në shtëpi.
