Në autostradën Tiranë- Durrës një makinë është përfshirë nga flakët mbrëmjen e sotme dhe shkaqet janë ende të paditura.
Sipas burimeve ngjarja ka ndodhur pranë mbikalimit dhe nga pamjet duket se nuk mund të bëhet më asgjë për të.
Pamjet e siguruara nga Ballkanweb tregojnë se makina është e gjitha e përfshirë në flakë dhe duket se edhe zjarrfikësit, nuk kanë shumë çfarë të bëjnë, përveç se të ndalojnë përhapjen e mëtejshme të flakëve.
Ende nuk ka një raport nga policia nëse ka pasur persona të lënduar, apo cilat kanë qenë shkaqet e djegies së makinës, por nga njoftimet e marra duket se ka qenë në lëvizje, gjë që mund të nënkuptojë se një person ka qenë brenda saj. Megjithatë ende nuk mund të thuhet asgjë me siguri deri në nxjerrjen e një njoftimi zyrtar nga instancat përkatëse.
Policia ka njoftuar se është duke vazhduar hetimin për zbardhjen e plotë të ngjarjes dhe zbulimin e shkaqeve që e kanë çuar deri në marrjen e flakëve.
