Një automjet është përfshirë nga flakët gjatë ditës së sotme në qytetin e Fierit. Mësohet se ngjarja ka ndodhur rreth orës 10:30, gjatë paradites në vendin e quajtur “Mbrostar”, teksa automjeti tip “Mercedes Benz” ka marrë flakë kur ishte në ecje e sipër. Dyshimet e para të policisë janë që ngjarja mund të ketë nodhur për shkak të një defekti teknik në mjet.. Fatmirësisht nga zjarri nuk ka pasur persona të lënduar. Në vendngjarje kanë mbërritur zjarrëfikësiet dhe forcat e policisë, ndërkohë grupi hetimor po punon për të zbardhur rrethanat dhe shkaqet që çuan në marrjen flakë të mjetit. Ende nuk është bërë e ditur se në pronësi të kujt ishte makina.
Në videon e publikuar nga policia duken forcat zjarrfikëse që janë duke punuar për shuarjen e flakëve, ndërsa automjeti është në të dalë të rrugës, totalisht i djegur.
Njoftimi i plotëi policisë:
Fier
Informacion paraprak
Sot rreth orës 10:30, në vendin e quajtur “Mbrostar” Fier, në ecje e sipër ka marë flakë automjeti tip “Benz” me drejtues shtetasin D. K.
Paraprakisht dyshohet se zjarri ka rënë si pasojë e një defekti në mjet.
Nuk ka persona të dëmtuar.
Grupi hetimor ndodhet në vendngjarje dhe po punon për zbardhjen e plotë të ngjarjes.
