Edhe pse të larguar nga detyra e deputetit, opozita do të vazhdojë që të marrë një rrogë nga Parlamenti.
Kjo është bërë e ditur ditën e sotme ku sekretari i përgjithshëm i Kuvendit ka bërë me dije se ish-deputetët e dorëhequr tashmë nga detyra e tyre, do ta vazhdojnë që të trajtohen financiarisht dhe kjo është një e drejtë që jua njeh ligji.
Pas largimit nga funksioni, ata do të marrin dy paga shpërblim dhe gjysmë page çdo muaj për aq kohë sa kanë ushtruar mandatin e deputetit.
Sipas A2, kjo përkthehet në 18 muaj për ata që mandatin e kishin për herë të parë dhe deri ne 3 vjet për ata që kanë më shumëse 1 mandat deputeti. Muaji dhjetor ishte i fundit, i një bojkoti 6 mujor të opozitës. Gjatë kësaj periudhe ata përfitonin mesatarisht gjysmë page çdo muaj.
Shifrës prej 20 300 000 lekëve, që i korrespondonin pagat e atij muaji, për të paktën 18 muajt e ardhshëm do t’i shtohen dhe pagat e deputetëve të rinj të opozitës, që zunë vendet e lëna bosh.
