Ish-zonja e parë e Shteteve të Bashkuara të Amerikës, Melania Trump nuk i shkruajti vetë shënimet e saj falenderuese për stafin e rezidencës së Shtëpisë së Bardhë të cilët janë kujdesur për të dhe familjen e saj për katër vitet e fundit.
Rreth 80 persona që morën shënime të shkruara supozohej që zonja e parë i kishte shkruar ato vetë. Në vend të kësaj, Trump ngarkoi një punonjës të nivelit më të ulët të krahut lindor që t’i shkruante “në zërin e saj”, dhe ajo nënshkroi emrin e saj. Sipas CNN është zakon që zonjat e para – dhe herë pas here edhe presidentët – të shkruajnë letra ose mesazhe të shkurtra mirënjohje për anëtarët e stafit të shtëpisë.
Letrat kanë tendencë të jenë intime dhe “pjesa më e madhe e letërkëmbimeve përfshin anekdota personale dhe letrat bëhen” kujtime të çmuara “për personelin e qëndrimit”, të tilla si, kuzhinierët dhe rojet e shtëpisë, të cilët nuk kthehen më në Shtëpinë e Bardhë.
Melania Trump u largua nga Shtëpia e Bardhë me vlerësimin më të ulët të mandatit të saj si zonja e parë, sipas një sondazhi të ri të CNN. Sipas personave të afërt të saj, Melania është e “nënshtruar” ndaj Trump dhe se e vetmja dëshirë e saj ishte të kthehej sa më shpejt në shtëpi.
