Një 33-vjeçar është arrestuar nga policia e Tiranës gjatë megaoperacionit “Blloku 33”.
Ai ishte në kërkim për shitje të lëndëve narkotike në lokalet e natës dhe ndaj tij ishte caktuar masa e sigurisë “Arrest në burg” për veprën penale të “Prodhimit dhe shitjes së narkotikëve”.
Sipas policisë, numri i personave të arrestuar gjatë këtij operacioni ka arritur në 27, ndërsa hetimet dhe kërkimet vazhdojnë për kapjen e 6 personave të tjerë të shpallur në kërkim.
Njoftimi i Policisë:
Kapet 1 shtetas i shpallur në kërkim gjatë tij, i akuzuar për shitje të lëndëve narkotike në lokalet e natës, në kryeqytet. Shkon 27 numri i shtetasve të vënë në pranga në kuadër të megaoperacionit.
Si rezultat i administrimit të shpejtë të informacioneve të siguruara në rrugë operative, mbi vendndodhjen e një shtetasi të shpallur në kërkim gjatë megaoperacionit “Blloku 33”, shërbimet e Seksionit për Hetimin e Narkotikëve, në bashkëpunim me shërbimet e Komisariatit të Policisë Nr. 6, kapën në Kashar, dhe vunë në pranga shtetasin A. B., 33 vjeç.
Për të është caktuar masa e sigurisë “Arrest në burg”, për veprën penale”Prodhimi dhe shitja e narkotikëve”. Vijojnë kërkimet për kapjen e 6 shtetasve të tjerë të shpallur në kërkim gjatë këtij megaoperacioni. Materialet procedurale iu referuan Prokurorisë së Tiranës, për veprime të mëtejshme.
