Ministria e Shëndetësisë ka shpallur fituesit për një tender gjigand me vlerë 20 milion euro pa garë.
Fituesit janë emra të njohur, nga njëra anë bashkimi i “Montal” dhe “Biometrik” dhe nga ana tjetër “OES Distrimed” dhe “Euromed”.
Këto 4 kompani kanë ndarë 24 miliardë lekë për blerjen e materialeve për spitalet publike për 24 muaj.
Sipas asaj që shkruan “Boldnews”, tenderi është hapur në shkurt 2020 dhe ka përfunduar vetëm pak ditë më parë.
Ministria e Shëndetësisë njofton se tenderi me fond limit 1.9 miliardë lekë është ndatë në 2 lote.
Në lotin e parë me fond limit 9.5 miliardë lekë kanë marrë pjesë:
“Montal” dhe “Biometrik”
“Medical Distribution”
“Megapharm”
Pas hapjes së ofertave “Medical Distribution” dhe “Megapharm” nuk kanë paraqitur as dokumentacion e as ofertë ekonomike, duke hedhur dyshime se pjesëmarrja e tyre ka qenë fiktive.
Në këtë mënyrë, “Montal” dhe “Biometrik” janë shpallur fitues pa konkurencë.
Ndërsa në lotin e dytë, me fond limit 9.7 miliardë lekë morën pjesë 4 konkurentë.
“OES Distrimed” dhe “Euromed”
“Medical Distribution”
“Megapharm”
“W Center”
Tre nga 4 konkurentët nuk paraqitën oferta dhe u skualifikuan, duke shpallur fitues automatikisht “OES Distrimed” dhe “Euromed”.
Fituesit gjatë periudhës së pandemisë kanë përfituar miliona të tjerë nga buxheti i shtetit.
“Euromed” së bashku me “Farma Net Albania” kanë nënshkruar kontratën secret 3.5 milion euro, për furnizmin me pajisje mbrojtëse për COVID-19.
“Farma Net Albania” së fundmi ka marrë 2 tendera nga 100 mijë euro për furnizimin me maska dhe dezinfektantë të punonjësve të OSHEE dhe Postës Shqiptare.
Për tenderat skandalozë të fituar nga kjo kompani ka shkruar edhe “Gazetareforma.com”.
Bëhet fjalë për një tender të OSHEE me fond limit 12.6 milion lekë për furnizimin me maska të punonjësve.
Tenderi është hapur më 12 mars 2020 dhe është mbyllur më 17 mars, ndërkohë që shpallja e fituesit është bërë më 20 mars.
Pas një kërkimi të bërë në treg nga “gazetareforma.com”, rezulton se një maskë me valvul FPP1 në një farmaci në Tiranë sot kushton 850 lekë.
Nëse OSHEE do t’i blinte këto maska me çmim pakice, do të bëhej fjalë për 14.824 maska.
Të gjithë këto detaje ngrenë dyshime për klientelizëm dhe abuzim me paratë e buxhetit të shtetit, që sigurisht përbëhet nga taksat e shqiptarëve.
