Përgjatë seancës së sotme parlamentare, kreu i Partisë Republikane Fatmir Mediu ka deklaruar se vendi është mbushur me shumë zona të kthyera në geto të cilat nuk kanë interes nga pushteti vendor apo qendror.
Gjithashtu Mediu u shpreh se Bankës Botërore shumica e mjekëve në vend duan të largohen, ndërsa tha se plakja e popullsisë në vend është një plagë e madhe, veçanërisht situata paraqitet e rëndë në spitalet universitare.
Mediu thotë “sipas Bankës Botërore numri mjekëve në vend është shumë i ulët, sipas FES shumica e mjekëve janë të gatshëm të emigrojnë jashtë vendit. Plakja e popullsisë në vend është një plagë e madhe”.
“Siç e thanë dhe kolegët, paguajmë më shumë se vendet e t era dhe marrim më pak shërbime. Shikoni si është kthyer Shqipëria, shumë zona janë kthyer në geto të shkëputura pa interes nga pushteti. Nuk mund të ketë ekonomi me këtë nivel skandaloz pagash në vend ku nuk garantohet as mbijetesa. Sipas Bankës Botërore numri mjekëve në vend është shumë i ulët, sipas FES shumica e mjekëve janë të gatshëm të emigrojnë jashtë vendit. Plakja e popullsisë në vend është një plagë e madhe. Akoma më e rëndë është situate në spitalet universitare. Është e dhimbshme ajo që po ndodh dhe është kriminale pranimi i këtij fenomeni dhe mos reagimi. Plakja e popullsisë është plaga më e rëndë e vendit”, është shprehur kreu i Partisë Republikane Fatmir Mediu.
