Hekuran Gjoni, 74 vjeç, ka vrarë djalin e tij 37-vjeçar, Asimin, mbrëmjen e kaluar në lagjen “Kodra e Priftit” në Tiranë, gjatë darkës familjare.
Ai ka treguar se djali e kishte tallur dhe kishte goditur atë dhe motrën e tij gjatë darkës. Pas këtij incidenti, babai ka deklaruar se është ndjerë i zemëruar dhe, në një moment të nxehtë, ka goditur djalin me thikë.
“Djali im Asimi më tallet prej shumë kohësh. Mbrëmë në darkë po hanim bukë në tavolinë. Djali filloi sërish të më tallte. Pasi u acarova i ngrita dhe i gjuajtja me shpullë gjatë debatit. Më pas djali u ngrit dhe ai dhe më qëlloi ku unë u rrëzova. Në këtë moment ka ndërhyrë vajza ime ku i bërtiti Asimit pse qëllove babin. Asimi më pas goditi dhe të motrën. Në këtë moment mu errësuan sytë dhe i ngrita mora thikën dhe e godita djalin”.
37-vjeçari është transportuar në spital, por ka ndërruar jetë. Policia ka arrestuar Hekuran Gjonin dhe po zhvillon hetimet për këtë ngjarje tragjike.
