Presidenti ukrainas Volodymyr Zelensky ka ndarë arritjet më të fundit të forcave të vendit të tij në adresimin e natës drejtuar vendit.
Zelensky tha se 41 vendbanime janë çliruar në jug të Ukrainës. Megjithatë, ai tha se një numër i papërcaktuar i trupave ukrainase ishin vrarë në luftime.
“Sot kemi një lajm të mirë nga jugu”, tha ai.
“Por, megjithëse jemi të gëzuar, duhet të kujtojmë tani dhe përgjithmonë se çfarë do të thotë kjo lëvizje – çdo hap i forcave tona mbrojtëse përfaqëson … jetë të dhëna për lirinë e ukrainasve”.
Zyrtarët ukrainas më herët thanë se 12 vendbanime ishin çliruar vetëm sot.
Kujtojmë qëambasadori i ri i Ukrainës në Gjermani, Oleksiy Makeyev, i ka kërkuar Gjermanisë të mos strehojë burrat rusë që kanë ikur nga vendi i tyre për t’iu shmangur mobilizimin ushtarak, duke i përshkruar ata si një “rrezik për sigurinë”.
Ata janë “të rinj që nuk janë penduar, por duan të shmangin shërbimin ushtarak”, tha ai më 30 tetor, në një intervistë për gazetën Bild am Sonntag.
Qindra mijëra rusë janë larguar nga Rusia që kur presidenti Vladimir Putin shpalli mobilizimin ushtarak në fund të shtatorit.
Makeyev shprehu mirënjohje për mbështetjen e Gjermanisë ndaj Ukrainës, por tha se Berlini duhet të lëvizë me “më shumë shpejtësi”.
