Kreu i Partisë Demorkatike, Lulzim Basha është ndalur mesditën e sotme tek propozimi i planit të arsimit në vend.
Në një dalje për mediat, Basha është zotuar se premtimet nuk janë thjeshtë elektorale por të zbatueshme dhe të rëndësishme për zhvillimin dhe ndryshimin e situatës në vend.
Kreu i opozitës tha se do të ofrohen kurse private pa pagesë për pesë gjuhë të huaja, për të rinjtë dhe të rriturit deri në 35 vjeç.
“Do të ofroj për çdo të ri dhe çdo të rritur shqiptar deri në 35 vjeç kurse private pa pagesë të platformës së mirënjohur amerikane Ëducation Ëorld Ëide për 5 gjuhë të huaja—anglisht, gjermanisht, spanjisht, frëngjisht dhe italisht! Të rinjtë tanë në shkolla dhe ata në tregun e punës duhet dhe do të jenë gati për investimet e mëdha që do të vijnë në Shqipëri me qeverinë e re, do të jenë gati për të mbushur vendet e reja të punës në turizëm, në prodhim, IT apo shërbime”, tha Basha ndërsa listoi 7 pikat e programit të demokratëve.
Më tej Basha i’u rikujtoi shqiptarëve se nëse premitemt nuk do të mbahen, atëherë mund ta rrëzojnë nga pushteti me të drejtë vote.
Prej disa javësh tashmë Basha ka nisur fushatën e elektorale, duke propozuar të gjitha pikat e planit të tij politik. Dje ai u ndal tek sistemi shëndetësor, i cili po përjeton dhe një largim masiv të mjekëve drejt Gjermanisë. Premtimi i tij ishte paga minimale për infermierët në 700 euro dhe për doktorët në 1200 euro.
