Një 27-vjeçar nga Lushnja, i cili mban postin e nënkryetarit të një subjekti politik lokal, është kallëzuar në Prokurorinë e Posaçme, pasi dyshohet se ka ushtruar presion ndaj një qytetari përmes rrjetit social “Messenger”, me qëllim ndikimin në votën e tij.
Procedimi penal është regjistruar pas kallëzimit të një 28-vjeçari, gjithashtu nga Lushnja. Çështja po hetohet në kuadër të veprës penale “Kanosja apo dhunimi për shkak të pjesëmarrjes në zgjedhje”.
Njoftimi i policisë:
Materialet procedurale iu referuan SPAK, për veprime të mëtejshme.
-Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku nisi procedimi penal për shtetasin S. P., 27 vjeç, banues në fshatin Bubullimë, pasi ka kallëzuar shtetasi J. Ç., 28 vjeç, se shtetasi 27-vjeçari, nënkryetar i një subjekti politik në Lushnjë, e ka kanosur në platformën “Messenger”, për dhënien e votës. Materialet procedurale iu referuan SPAK, për veprime të mëtejshme, për veprën penale “Kanosja apo dhunimi ndaj pjesmarrjes në zgjedhje”.
