Autoritetet e Policisë së Durrësit kanë goditur një tjetër rast të shpërndarjes së drogave të forta në doza të vogla. Falë kontrolleve të kryera kanë arritur të bëjnë të mundur arrestimin e dy personave të cilit po tentonin të shpërndanin lënë narkotike, kokainë. Këta dy shtetas Enis Pirro dhe Pedi Canosinaj janë ndaluar në lagjen nr.6 Durrës me një automjet në lëvizje. Gjatë kontrollit fizik ndaj këtyre shtetasve, shërbimet e Policisë, gjetën disa doza me lëndë narkotike heroinë dhe kokainë, një sasi lëndë narkotike cannabis sativa, gati për shitje.
Njoftimi i plotë i policisë:
Forcat e Posaçme “Shqiponja” në DVP Durrës, në vijim të kontrolleve në qytet për rritjen e parametrave të sigurisë dhe goditjen e paligjshmërisë, kanë ndaluar në lagjen nr.6, Durrës, një motomjet me drejtues shtetasin Enis Pirro dhe pasagjer shtetasin Pedi Canosinaj.
Gjatë kontrollit fizik ndaj këtyre shtetasve, shërbimet e Policisë, gjetën disa doza me lëndë narkotike heroinë dhe kokainë, një sasi lëndë narkotike cannabis sativa, gati për shitje.
Në vijim të veprimeve nga specialistët për Hetimin e Narkotikëve në DVP Durrës, arrestuan në flagrancë shtetasit Enis Pirro, 43 vjeç dhe Pedi Canosinaj, 33 vjeç, të dy banues në Durrës.
Në cilësinë e provës materiale u sekuestrua lënda narkotike, motomjeti, 1 aparat celularë dhe një grirëse hashashi.
