Babai i Mateos, 8-vjeçarit që u gjet i vrarë dhe i groposur në banesën e fqinjit të tij në Fier , ka folur për herë të parë për emisionin ‘Me zemër të hapur’ te Evis Ahmetit, ku ka treguar detaje rrëqethëse. Ai tha se gjendja e tij është e rënduar dhe ai kërkon që autorin, Klodian Çalamanin ta varin.
“Unë dua si prind dua që ta ma sjellin këtu, të ma varin, nesër i ndodh të gjithëve. Të ikë fëmija 8 vjeç. S’kam fjalë, jam i rënduar, po më djeg zërma. Skam ça të flas më tepër. Dua drejtësi për Mateon. Të ngrihet i gjithë populli. Kjo është.”, tha ai.
Theksojmë se momente tensioni janë shënuar vetëm pak momente më parë në Gjykatën e Fierit, ku familjarët e 8-vjeçarit Mateo kanë hyrë në ambientet e gjykatës.
Ata kanë tentuar që të thyejnë çdo gjë. Familjarët e kanë hapur derën me forcë dhe janë përplasur dhe me punonjësit e policisë. Familjarët dëgjohen duke thënë: Duam drejtësi!
Ndërkohë gjykata e Fierit ka caktuar masën “arrest me burg” për autorin e vrasjes makaber të 8-vjeçarit Mateo Vasiu në Grecalli, ngjarje e cila ndodhi dy dite me pare.
Seanca gjyqësore është zhvilluar pa prani të autorit 38-vjeçar Klodian Calamani ndërsa nga policia është marrë deklarata e tij ku shprehu vullnetin që gjykimi te behej ne mungese te tij.
Ndërkohë nga trupi gjykues me pjesëmarrjen e gjyqtares Sonila Hoxha dhe prokuror Clirim Sino është caktuar masa e sigurimit arrest me burg.
