Prej vitit 2017 kjo familje shqiptare ndodhet në Francë për të kërkuar azil, por tashmë po përballet me një urdhër dëbimi.
Familja shqiptare Mlloja prej një vit e gjysmë qëndroi në një dhomë hoteli në Concarneau të Francës, por u detyruan të linin ambientet e tij, pasi shërbimi social i njoftoi se nuk do të paguante për shpenzimet.
“Jemi të trishtuar. Nuk duam të na dëbojnë”, tha Elkidi për një media franceze.
Kundër dëbimit të familjes shqiptare janë edhe persona të tjerë, të cilët dalin hapur në mbrojtje të tyre.
“Kjo familja mund të dekurajohet për të ardhmen e saj”, shprehet Marina Rakoçeviç.
Veç dëbimit, kjo familje ka edhe një shqetësim tjetër, pasi fëmija i vogël vuan nga astma dhe kujdesi ndaj tij duhet të jetë më i madh.
Çifti ka edhe një djalë më të madh 4 vjeç, i cili shkon në çerdhe.
