Gjykata e Tiranës ka vendosur ditën e sotme që të njohë Kuvendin e 11 Dhjetorit.
LSA sjell disa momente pikante nga ajo çka po ndodh në shtëpinë e demokratëve, ku shihet se Edmond Spaho, Beldin Këllici, Flamur Noka, Elda Hoti, Albana Vokshi, Ivi Kaso, futen në ambientet e PD-së, ndërsa janë ulur në një tryezë për diskutime me kryetarin e komanduar, Enkelejd Alibeaj dhe sekretarin e përgjithshëm, Gazement Bardhin.
Pamjet që shihni vijnë nga selia e Partisë Demokratike, atje ku përfaqësues të grupit të Rithemelimit teksa hyjnë në selinë blu.
Ndërkohë që ish-kryeministri Sali Berisha ka reaguar për herë të parë në lidhje me vendimin e gjykatës së Tiranës. Pak para nisjes së mbledhjes së parashikuar nga grupi i Rithemelimit, Berisha dha mesazhin e tij të qartë për demokratët; bashkim!
“Në vlerësimin e çdo shqiptari nuk mund të ishte ndryshe. Por ti thuhet; e drejtë, s’e drejtë. Mesazhi për demokratët është; bashkim, bashkim, bashkim. Do të dal në një takim të shkurtër prapë”, tha ai.
Kujtojmë që kryetari i komanduar i Partisëe Demokratike, Enkeled Alibeaj, i cili e cilësoi si një vendim në nivelet e një skandali dhe theksoi se do të bëjnë kallëzim penal ndaj gjyqtarit Agron Zhukri për shpërdorim detyre. Ndonëse Ivi Kaso tha se mund të ankimohet vetëm nga pala e grupit të rithemelimit, Alibeaj theksoi se do të bëjnë ankim pasi është vendim që prek interesat e tyre.
