Një person me rrezikshmëri të lartë është arrestuar në Greqi. Bëhet fjalë për shqiptarin Jorgo Leku alias Olsi Leka alias Giorgo Lekou alias Jorgo Lekou, 41 vjeç, lindur në Elbasan dhe banues në Gjirokastër.
Ai akuzohet për 2 vrasje në Elbasan. Ishte shpallur në kërkim ndërkombëtar, pasi gjykata e Shkallës së Parë në Elbasan, më 12 qershor 2020, i caktoi masën arrest me burg, për vrasje në rrethana të tjera cilësuse, si dhe armëmbajtje pa leje.
Arrestimi i tij u bë falë bashkëpunimit mes Interpol Tiranës dhe Interpol Athinës, bazuar në shkëmbimin e informacionit të grumbulluar nga strukturat e Policisë së Shtetit.
Përmbledhje e ngjarjes së ndodhur:
Më datë 15.08.2012, në lagjen “Çlirimi”, Elbasan, në bashkëpunim me persona të tjerë, ka vrarë me armë zjarri shtetasin Aridan Meta alias Gentian Beqiri, i cili ishte me masë sigurie “Arrest në shtëpi” dhe të atin e tij Nezir Beqiri. Interpol Tirana, në bashkëpunim me Interpol Athinën, vijon procedurat e mëtejshme për ekstradimin e këtij shtetasi drejt vendit tonë.
/GazetaReforma.com/
