Kreu i Partisë së Lirisë Ilir Meta iu bashkua protestës së PD para Parlamentit. Në fjalën e tij para qytetarëve pjesmarrës në protestë ai e vuri theksin tek vendimi i Gjykatës në lidhje me vulën e Partisë Demokratike, e cilia sipas tij po mbahet peng nga Edi Rama. Meta tha se Rama ka si synim të shkatërrojë demokracinë por nuk do t’ia arrijë kurrë qëllimit të tij.
“Sot jemi këtu për të gjitha të vërtetat, dhe për të vërtetat ai Edi Rama që ka frikë ka braktisur Kuvendin. Mirënjohje për të gjithë ju. Edhe njëherë çdo ditë këtu. Nuk kemi në diskutim çështjen e Partisë Demokratike sepse e kanë zgjidhur demokratët. Këtu kemi një kastravec që kërkon të provokojë shqiptarët. Ne pluralizmin politik nuk e këmbejmë me asgjë sepse është shtylla e demokracisë. Një kastravec që kërkon të marrë vulën e një partie që historinë e saj e ka të shkruajtur me sakrifica e dëshmorë, mendoi se ç’mund të bëjë një kastravec me pronat e shqiptarëve. Nëse edhe presidenca nuk i ka letrat në rregull, kush qytetar ndjen siguri se i ka letrat në rregull. Ndaj të gjithë në këmbë kundër këtij regjimi të shpirt. Në 3 mars mimozat do të shpërthejnë”, tha ai.
