Mbrëmjen e djeshme në lagjen “Havaleas” të fshatit Kozare, në qytetin e Kuçovës, Fetah Marra vrau dhe më pas e hodhi në kanal trupin e Fatime Suli. 64-vjeçarja dyshohet se ka pasur një raport intim me vrasësin. Shkak i ngjarjes është bërë një borxh i viktimës prej 60 mijë lekësh përpara dy vitesh. Gruaja e vdekur, e cila u gjet e hedhur në një kanal, gjysmë e zhveshur dhe e mbuluar me gjethe, konfirmohet që është vrarë nga një komshi i saj, banor i fshatit Kozare. 58-vjeçari, Fetah Marra vrau dhe hodhi në kanal fqinjën e tij. Besohet se shkaku i vrasjes ishte një borxh që autori i kishte viktimës. Ajo kishte refuzuar t’ja shlyente borxhin 58-vjeçarin madje sipas tij kishte treguar agresivitet. Në këtë moment Fetah Marra thotë se e ka mbytur me krah gruan e më pas e ka hedhur kufomën e saj.
Fetah Marra:
I kërkova borxhin prej 60.000 lekësh, mu përgjigj nuk ta jap, më tregoi bërrylin, më qëlloi me gurë dhe pastaj e mbyta me krah.
Nga ana tjetër, autori pas divorcit nga e shoqja jetonte i vetëm. Ai dyshohet se vuan nga probleme të shëndetit mendor. Sipas policisë, në trupin e pajetë të gruas, që ishte hedhur në kanal e mbuluar me gjethe për t’u mos u gjetur, janë konstatuar shenja duarsh në fyt, si dhe ajo është gjetur e zhveshur nga mesi e poshtë.
